Suplemen PA Mamre 4-10 Oktober 2015

Suplemen PA Mamre 4-10 Oktober 2015

Tema      :    Kebayaken si Sea-sea

Ogen      :    Matius 26:14-16

Tujun     :    -    Mamre la ngayaki kebayaken alu la bujur

-     Mamre meteh maka kebayaken alu la bujur meter bene janah babaina kalak ku kebenen

Matius 26:14-16

26:14 Jenari sekalak i bas ajar-ajar si sepuluh dua e, gelarna Judas Iskariot lawes ndahi imam-imam si mbelin.

26:15 Nina man imam-imam si mbelin e, "Kai iberekenndu upahku adi kuendesken Jesus man bandu?" Minter ibereken imam-imam si mbelin e telu puluh duit pirak man Judas Iskariot.

26:16 E maka mulai i bas wari e idarami Judas dalan ndudurken Jesus.

Bena Kata

Ngerana kerna kebayaken tentu kerina manusia merincuh bayak ibas kegeluhenna. Erbage upaya siilakoken manusia khususna ibas erbintuas erdahin pe lit nge hubungenna gelah ndatken kebayaken. Pengertin umum banci siantusi maka iakap kebayaken e maba kita nggeluh ku si jore. Gia labo jaminen maka kebayaken pasti nari kita ndatken kemalemen ate, jore ras dame, tapi niakap maka adi bayak lebih baik asangken cukup apalagi musil. Labo tersalahi ibas pengertin enda, tapi siperlu sirenungken uga nge caranta/ perjuangenta ndatken kebayaken e. enggo nge payo entah lang ? Payo sinimaksud tentu berhubungen ras kinitekenta selaku anak Dibata. Sebab Dibata nehken kekelengen simbelin man banta termasuk kebayaken segelah kita ndatken kemalemen ate, bagepe arah kita ka kalak sideban pe ndatken kemalemen ate. Ertina kebayaken eme pasu-pasu Dibata man banta janah arah pemereNa e kit ape jadi pasu-pasu man kalak sideban.

PJJ 4-10 Oktober 2015

Suplemen PJJ : 4 - 10 Okt 2015

Tema                 :    “Budaya Ras Injil”

Bahan                :    Matius 5:17-20    

Tujun               :    -Gelah ngawan ni Perpulungen meteh maka kerehen Yesus ku doni labo meneken Undang-undang

                               -    Gelah ngawan ni perpulungen melestariken budaya Karo si la bertentangen ras kiniteken (Injil)

Matius 5:17-20

5:17 "Ola iakapndu Aku reh ncedai Undang-undang si ibereken Musa ras si iajarken nabi-nabi. Aku reh labo ncedai, tapi guna nehken si enggo isuratkenna e.

5:18 Ingetlah katangKu enda! Seh masap langit ras doni, sada titik ntah sada bagin si kitikna pe i bas Undang-undang e la bene adi langa kin seh kerina kai si enggo isuratken e.

5:19 E maka ise la ngikutken si enggo isuratken e, aminna gia bagin si kitikna, janah ibabaina papak kalak si deban, ia me si la mehergana i bas Kinirajan Surga. Tapi ise ngikutkenca janah ibabaina kalak si deban ngikutken si enggo isuratken e, ia me si mbelinna i bas Kinirajan Surga.

5:20 Kukataken pe man bandu maka labo kam banci bengket ku bas Kinirajan Surga adi la kin tutusen atendu erbahan si ngena ate Dibata asa guru-guru agama ras kalak Parisi."

Bena Kata

Ibas kegeluhenta I pertibi enda lit aturen siarus sidalanken guna banci ka kita nggeluh ibas kiniraturen la terjeng man banta tapi pe man kalak sideban. Aturen silit tentu “ngiket kita” segelah ula ka kita nggeluh erbana-bana. Bage pe aturen entah pe undang-undang si enggo lit mabai kita nggeluh siergaan bagepe sikeleng-kelengen. Aturen si ipeseh Dibata arah suruh-suruhenNa pe tentu nuduhken keleng ate Dibata man manusia segelah manusia ndatken kemalemen ate ibas kegeluhenna bagepe ibas hubungen sada ras sidebanna. Kerehen Yesus ku doni enda nuduhken keleng ateNa simbelin man kita tinepaNa guna banci kita ndatken keselamaten. Sienda nuduhken maka Yesus reh labo ncedai kai sienggo ilakoken Dibata guna kiniulin manusia tapi menyempurnaken kai sienggo ibahan Dibata janah tujunna kerina guna kiniulin manusia. Bagem ibas PJJ Minggu enda tole iingetken kita kerna keleng ate Dibata ibas diri Yesus Kristus nandangi kita manusia guna kita ndatken keselamaten situhu-tuhu.

PJJ GBKP 27 Sept - 3 Oktober 2015

Suplemen PJJ : 27 Sept - 3 Okt 2015

Tema                 :    “Erberita Dingen Ersaksilah”

Bahan                :    Perbahanen Rasul 26:16-18         

Tujun                 :    -    Gelah ngawan ni Perpulungen meteh maka Dibata enggo milih ia guna jadi saksi Kristus

                               -    Gelah ngawan ni perpulungen ngasup ndalanken pendilo Dibata guna erberita ras ersaksi kerna Kristus

Perbahanen Rasul 26:16-18

26:16 Tapi kekeken janah tediskenlah! Kucidahken diringKu man bandu guna milih kam jadi si erdahinKu ras saksingKu. Gelah iturikenndu man kalak si deban kai si enggo idahndu sendah, e me kerna Aku, bage pe gelah iturikenndu kai si Kucidahken pagin man bandu.

26:17 Kupulahi kam pagi i bas tan bangsa Israel nari ras i bas kalak si deban si labo kalak Jahudi si Kusuruh idahindu.

26:18 Pemedakken matana gelah itadingkenna si gelap guna bengket ku bas si terang. Bage pe gelah itadingkenna kuasa Iblis jenari reh ku Dibata. Gelah erkiteken tek ia man bangKu, Kualemi dosa-dosana. Bage pe gelah ialokenna ingan, e me ingan si patut ialoken kalak si ipilih Dibata.' "

Bena Kata

Erberita dingen ersaksi eme sada dahin si arus lit ibas kalak si erkiniteken. Ungkapen kerna gereja singgeluh eme gereja si erberita ras ersaksi tentu si aminken selaku tanggung jawab kalak si tek e (gereja). Katawari gereja lanai erberita ras ersaksi maka gereja e banci ikataken gereja si lanai nggeluh. Bagem pentingna kerna erberita ras ersaksi selaku tanggungjawab iman, emaka perlu kel kita ncidahken kinitekenta ibas jamanta enda al uterus erberita ras ersaksi ibas kerina dampar geluhta subuk pribadi bagepe ras-ras (ibas bentuk kiniersadaan).

Arah bahan PJJ Minggu enda iingetken mulihi, sekaligus ngajuk ras njemba kita selaku kalak sierkiniteken guna Erberita ras Ersaksi sebagai bentuk tanggung jawab kinitekenta nandangi Tuhan si enggo ncidahken keleng ate simbelin man banta. Arah kesaksin Paulus iarapken banci reh bagesna pengertin ras reh semangatna kita ncidahken pendahinta selaku kalak sierkiniteken e alu Erberita ras Ersaksi.