PJJ GBKP 27 Sept - 3 Oktober 2015

Suplemen PJJ : 27 Sept - 3 Okt 2015

Tema                 :    “Erberita Dingen Ersaksilah”

Bahan                :    Perbahanen Rasul 26:16-18         

Tujun                 :    -    Gelah ngawan ni Perpulungen meteh maka Dibata enggo milih ia guna jadi saksi Kristus

                               -    Gelah ngawan ni perpulungen ngasup ndalanken pendilo Dibata guna erberita ras ersaksi kerna Kristus

Perbahanen Rasul 26:16-18

26:16 Tapi kekeken janah tediskenlah! Kucidahken diringKu man bandu guna milih kam jadi si erdahinKu ras saksingKu. Gelah iturikenndu man kalak si deban kai si enggo idahndu sendah, e me kerna Aku, bage pe gelah iturikenndu kai si Kucidahken pagin man bandu.

26:17 Kupulahi kam pagi i bas tan bangsa Israel nari ras i bas kalak si deban si labo kalak Jahudi si Kusuruh idahindu.

26:18 Pemedakken matana gelah itadingkenna si gelap guna bengket ku bas si terang. Bage pe gelah itadingkenna kuasa Iblis jenari reh ku Dibata. Gelah erkiteken tek ia man bangKu, Kualemi dosa-dosana. Bage pe gelah ialokenna ingan, e me ingan si patut ialoken kalak si ipilih Dibata.' "

Bena Kata

Erberita dingen ersaksi eme sada dahin si arus lit ibas kalak si erkiniteken. Ungkapen kerna gereja singgeluh eme gereja si erberita ras ersaksi tentu si aminken selaku tanggung jawab kalak si tek e (gereja). Katawari gereja lanai erberita ras ersaksi maka gereja e banci ikataken gereja si lanai nggeluh. Bagem pentingna kerna erberita ras ersaksi selaku tanggungjawab iman, emaka perlu kel kita ncidahken kinitekenta ibas jamanta enda al uterus erberita ras ersaksi ibas kerina dampar geluhta subuk pribadi bagepe ras-ras (ibas bentuk kiniersadaan).

Arah bahan PJJ Minggu enda iingetken mulihi, sekaligus ngajuk ras njemba kita selaku kalak sierkiniteken guna Erberita ras Ersaksi sebagai bentuk tanggung jawab kinitekenta nandangi Tuhan si enggo ncidahken keleng ate simbelin man banta. Arah kesaksin Paulus iarapken banci reh bagesna pengertin ras reh semangatna kita ncidahken pendahinta selaku kalak sierkiniteken e alu Erberita ras Ersaksi.

Perbahanen Rasul 26:16-18

Bahan enda nuduhken kerna Paulus mbela dirina ilebe-lebe Raja Agripa ibas sada persidangen siilakoken I Kesarea (daerah si gubernurna eme Pestus). Agripa ras Bernike reh ku Kesarea erkiteken perjumpaan ras Pestus si mbaru denga jadi Gubernur I Kesarea. Agripa eme Raja Roma si ngaloken pengadun Pestus sisangana ngalaken persoalen (perkara) erkiteken pengadun kalak Jahudi ras imam-imam mbelin simindo gelah Paulus iukum mate. Raja Agripa pe dungna merincuh megi persoalen enda seh maka iaturken ilakoken persidangen kerna Paulus. Ibas persidangen iadepen Raja Agripa me Paulus ngerana nuriken kerna :

1.      Ise ia (Paulus) si sope denga jadi Paulus eme Saul si kitik-kitik nari kalak situtus ras patuh ngikuti aturen Jahudi bahken bagi kalak Parisi (Perb rasul 26:5). Ertina lalit pandangen ibas kalak kerna ia subuk ibas aturen bagepe ketutusen ngikutken aturen (undang-undang Jahudi)

2.      Saul si dahinna njaga aturen Jahudi alu tutus ras ngelawan pengaruh Yesus kalak Nazaret alu erbage cara : menjaraken pengikut Yesus, menghukum, menyiksa, memaksaken guna mersoken Yesus, bahkan si setuju adi pengikut-pengikut Yesus iukum mate.

3.      Saul si berkat ku Damaskus alu kuasa imam-imam mbelin guna dahin nangkap kalak si tek man Yesus (26:12)

4.      Perjumpaan Saul ras Yesus si simengubahken dirina alu njadiken dirina jadi sierdahin Tuhan guna jadi kesaksin ras erberita kerna Yesus. Ibas Saul ndabuh isuruh guna keke ngelakoken dahin simbelin eme erberita ras ersaksi.

5.      Tugas erberita e eme : Pemedakken mata kalak sigelap denga gelah bengket kubas terang, bagepe gelah itadingken kuasa iblis janah reh kubas kuasa Dibata. Mabai kalak gelah erkiniteken bagepe ndatken pengalemi dosa seh idatkenna kemalemen ate.

APLIAKSI

            Arah bahan enda (penjelasen/pembelaan Paulus), banci siidah uga kegeluhen Paulus sienggo ngaloken kuasa Dibata silanai biar-biaren nuriken ras naksiken kerna kebenaren kiniteken man Yesus. Gia iadepen pengadilen Raja Roma labo ia mundur entahpe ndarami celah gelah ia pulah atau ndarami zona aman. Pang Paulus Ersaksi bagepe erbeita erkiteken enggo igejapna uga keleng ate Kristus si mengubah ia kubas kemenangen. Siap ia ngalaken kai pe resiko/konsekwensi si ialokenna arah kai si ibelaskenna/isaksikenna.

Arah kesaksin Paulus enda njemba kita ibas jaman enda guna jadi saksi Kristus alu meritaken berita kerna Kristus bagepe bersaksi kerna keleng ate Kristus man kalak sideban. Dahin erberita ras ersaksi tentu melala nge tantangen siarus sialaken, subuk erkiteken situasi kondisi, banci jadi nembeh ate kalak, banci ka kita meling, bahken banci ka nembeh ate kalak man banta. La ka terjeng sie, Erberita ras ersaksi arus lit pengorbanen subuk secara materi, waktu, tenaga, bahkan persoalen perasaan rsd. Gia bage labo banci kita mundur erberita ras ersaksi gia kai pe resiko si arus sialaken. Arus kita pang ibas jamanta enda nuduhken keberadanta sienggo ibukaken mata perukurenta ibas Yesus guna banci ka kita melepas belenggu kalak sideban si banci jadi pentang denga mata perukurenna.

Erbage-bage metode sibanci silakoken ibas erberita ras ersaksi, si pasti simendasar kel arus lit lebe ibas dirinta : Sigejapken lebe maka Dibata enggo ngkelengi kita seh maka kita jadi kalak sierkiniteken, bagepe arus lit sada ungkapen ibas pusuhta : dalanken/lakoken sie kerina ibas pusuh ersuruh (lakukan dengan “hati”). Mulailah alu hal-hal mendasar : ncidahken dirinta selaku anak DIbata situtus subuk alu pengerana bagepe perbahanen (menjadi teladan yang baik). Ingetlah maka kai siilakoken kita man kalak sideban eme perbahanenta man Yesus…. Sadari ras lakokenlah… janah nehenlah uga belinna keleng ate Tuhan simbelin e. Setialah maka Tuhan lebih setia nemani kita.